Gulamo??????
Gulamo ima ingkan asin. ingkan on khas hian tu batak. dang pola balga-balga anggo gulamo on, alai cita rasa khas nai do na mambaen tung mansai tabo.
Anggo angka naung tubu di pangarantoan dang piga-piga be na mananda ingkan asin on.

Ni ingot ma najolo, hatiha adong saotik tano na niula ni natua-tua i, disuan ma gadong ingkau. Jadi hira-hira piga leleng, dung ni hilala matoras gadong on, jala nga boi cabuton, ni pasiding do sada manang dua gadong ingkau on. Na duaon ni tutung ma tu parapian naung pinature hian. Ditutung jala dipahusorhusor asa rata parmasak ni gadong i dibagas.

Dung masak, ni tutung ma muse gulamo on, huhut ni pahusorhusor unang sahat tu na mosok. holan masak gulamo on, tung angur hian nianggo, natua-tua najolo pintor di dok "bau surgo". Pintor ni bola ma gadung ingkau on, ni paharuar ma isi ni gadong on, laos niallang ma mardongan gulamo, amang oiii amang tabo nai.
andigan ma mulak tu tano hatubuan, asa pintor niallang jo gulamo dohot gadong ingkau on.

There are no comments to this entry.